مهارات التعلم

أولا مهم إن الواحد يبقي مدرك إن عادة الأشياء في العالم مكونة من أجزاء و الأجزاء دي عن طريق التضافر مع بعض بشكل معين بنلاقي المنتج الأخير اللي شايفينوا أودامنا دة. فالعلاقات بين الأشياء كدة كدة موجودة لكن الفكرة في إننا إزاي نشوف العلاقات دي.

المهارة دي مع مهارة التراكم المعرفي اللي اتكلمت عنها قبل كدة إن شاء الله يفتحولك آفاق يمكن مكونتش تتخيلها و لم يكن في بالك إنك حتوصلهم أصلا.التكامل هو الربط بين ما تتعلم و سائر العلوم دة غير التراكم اللي هو إنك تبني في نفس العلم اللي انت فيه و دي اللي انا اتكلمت عليها المرة اللي فاتت.

العلم دة عامل زي البناء و انت ماشي بتبني طوبة ورا طوبة و تستني تنشف و تاخد وقتها فيطلع معاك بناء قوي متماسك. ,و مهارة التكامل المعرفي هي إنك تعامل تعليمك زي البناء فتبني بدل ما تاخد شوية معلومات و السلام. المهارة دي كتير بنفتقدها و في ناس بتبص للعلوم بشكل أحادي أو إنها مادة و السلام لكن الأمر أعمق من كدة بكتير.

التعريف شئ أساسي في أي علم و ليه شروط عشان يبقي تعريف مظبوط.
طاب ماهو كدة كدة جاهز؟ فايه لازمة اني اعرف شروط التعريف.
الإجابة في إنك تغير نظرتك للعلوم اللي بتتعلمها. مش معني إن الحاجة جاهزة إني اخدها زي ما هي و خلاص. اعتقد إن مهم إني اري العلوم كإني قاعد معاهم و هم بيستكشفوا العلوم فبإدراكك للتفاصيل دي تاخد شوية فوائد.

القياس هو حكم علي شئ متغير باستخدام معيار ثابت. يعني من الآخر كدة هي المعايير الداخلية للعلم اللي باحكم بيها علي العلم نفسه. فيبقي عندنا معيار ثابت نثبته ثم نقيس عليه. و اللي اعرفه إن من أحد تطبيقات القياس هي ال Methodologyاللي هي المنهجية و دي غالبا من اهم الحاجات في اي علم

إن لم تسطع أن تلخص مضمون و جوهر ما تتعلم في 4 كلمات أو في جملة واحدة فانت غالبا لم تفهم بشكل كافي.و يا لها من مهارة. و هي من أهم أهم أهم مهارات التعلم.ليه هي مهمة أوي كدة: 1 – لإنها بتساعدك تتأكد إذا كنت فاهم ولا بتضحك علي نفسك و بتلف و بتدور علي إنك فاهم و انت مش فاهم.

كتير ما بنسمع و بنتعلم حاجات مفيدة و تعجبنا و نتأثر مؤقتا و لكن ترجع ريما لعادتها القديمة. أصل المشكلة إننا بننسي و في حاجة اسمها منحني التذكر اللي في الصورة اللي تحت دي. يعني لو مثلا خدت محاضرة او سمعت حاجة مهمة و معملتش بيها ولا راجعتها خلال فترات معينة يبقي بنسبة كبيرة كإن ساعدتك محضرتش حاجة 😃

هي إيه هي العلوم و إيه تعريفها و علي أساس إيه اقول إن الموضوع دة تبع العلم دة و لا لأ؟ و اللي اكتشفوا العلم إزاي اكتشفوه و إزاي بيفكروا؟
جزء من الإجابة في رابع مهارة من مهارات التعلم و هي (مهارة التصنيف)

كتير نلاقي تشابه بين الأشياء فلما نقارنهم ببعض ممكن نجيب حاجات من هنا و نحطها هنا تساعدنا في فهم الأشياء و علاقتهم ببعض أو حتي لتبسيط المعلومة. و دة بيساعد في التعلم إنك تدي مثال لحاجة مبهمة بحاجة واضحة بالنسبة ليك و فعلا تلاقيهم قريبين من بعض جدا

طبعا أي إنتاج علمي او اكتشاف غالبا بيبقي بدايته بالمهارتين دول. يعني مثلا إزاي كان الإنسان ممكن يوصل للقوانين الفيزيائية غير لما يلاحظ ظاهرة في الطبيعة و يشوف هو ممكن يوصفها إزاي؟ فتلاقي علم الرياضيات داخل معاك كأداة للوصف الدقيق للظواهر العلمية بحيث أشوف أرقام و بالتالي بقي يسهل القياس و التنبؤ و اشوف انا تنبأت صح بأد إيه و كدة يعني