arrows, success, direction-6973865.jpg

٧. مهارة القياس

بـــــــسم الله الرحمـــــــن الرحيـــــــم

التعريف

القياس هو حكم علي شئ متغير باستخدام معيار ثابت. يعني من الآخر كدة هي المعايير الداخلية للعلم اللي باحكم بيها علي العلم نفسه. فيبقي عندنا معيار ثابت نثبته ثم نقيس عليه.
 

امثلة

1. علم أصول الفقه بالنسبة للفقه
2. القياس علي العلامة الإعرابية لعلم النحو
3. القياس علي الوحدات المختلفة كالوزن و الطول في علم الفيزياء
 
و اللي اعرفه إن من أحد تطبيقات القياس هي ال Methodology
اللي هي المنهجية و دي غالبا من اهم الحاجات في اي علم.
 
فكل حاجة ليها طريقة و الفكرة إنك تفهم الطريقة بتاعة الحاجة دي ماشية إزاي فتقدر تعمل حاجات زيها. يعني الناس البارعين او الناس اللي بيفهموا في المجال دة بيفكروا إزاي مش بينفذوا إزاي.
 
يعني إيه اللي بيحصل جوا دماغهم؟ فلو قدرت تخش جوا دماغهم و تبتدي ترتب اللي بيحصل في دماغهم و تفهم الكلام دة ممكن تبقي زيهم.
 
مثال:
الإمام الشافعي رحمه الله تعالي هو أول من وضع علم أصول الفقه. السؤال بقي و هو مكانش في أصول فقه؟ لأ كان في بس قواعد في ذهن العلماء لكن الإمام الشافعي زي ما تقول عرف العلماء بيفكروا إزاي و صاغ طريقة تفكيرهم في علم يسهل علي الناس فهم إزاي الفقهاء بيفكروا فدي حاجة في منتهي العبقرية جزاه الله خيرا الإمام الشافعي رحمه الله تعالي.
 

نيجي بعد كدة للفوائد

1. إننا بقي عندي معيار ثابت متفقين عليه نقدر نقيس عليه فهو بالتالي يساعدنا في مهارة الملاحظة فمنتخدعش بالحواس بتاعتنا
2. يساعدنا علي الاستنباط عشان منضظرش لتجريب نفس الحاجة كتير يعني من الآخر كدة أنا وصلت لقواعد معيارية شاملة
3. و كمان يسهل الإبداع اللي هي فكرة فهم المنهجية لإنك عرفت طريقة التفكير الناس اللي بينتجوا العلم نفسه مش مجرد عرفت هم بينفذوه إزاي
 

نيجي بقي للتدريبات

1. إن الفكرة دي تبقي في دماغك يعني تبقي مدرك إن في حاجة اسمها معايير داخلية للعلم دة فتدور عليها بنفسك يعني مش مستني حد ييجي يقولك عليها و هي دي المهارة اللي عايزين نكتسبها
2. لما تيجي تتعلم علم تسأل إزاي أصحاب العلم دة بيفكروا فزي ما اتكلمت قبل كدة عن مقولة لا يجد الإجابة إلا من يؤرقه التساؤل فمجرد وعيك بوجود الحاجات دي و انت بتتعلم بيغير من تناولك للعلم و إدراكك و عمق إستيعابك فإن شاء الله تزيد كفائتك في التعلم
3. دائما اسأل سؤال ليه عشان توصل للمنهجية؟ مثلا هل سألت نفسك ليه الفاعل مرفوع؟ 😃 عادي اسأل مفيش مشاكل وإن شاء الله تلاقي إجابة
 
و الله أعلم
سبحانك اللهم و بحمدك اشهد ان لا إله إلا انت استغفرك و اتوب إليك
و صَلَّي الله و سَلَّم وبارَك علي سيدنا مُحَمَّد وعلي آله
Subscribe
Notify of
guest
0 Comments
Inline Feedbacks
View all comments